ब्राह्मण हितवर्धिनी पतसंस्थेच्या संकेतस्थळाच्या (Website) निमित्ताने आभासी स्वरुपात पतसंस्थेच्या भागधारक सभासद, ग्राहक, हितचिंतक यांच्याशी संवाद साधण्याची पतसंस्थेचा अध्यक्ष म्हणून मला ही संधी प्राप्त झालेली आहे.

कोकणात सहकार चळवळ बाळस धरायला सुरवात झाली ती 1980-90 च्या दशकात. याच सुमारास 1991 सालात दापोलीतील काही समविचारी ब्राह्मण मंडळीनी एकत्र येऊन अगदी छोट्या स्वरुपात ब्राह्मण हितवर्धिनी पतसंस्थेची स्थापना केली. जरी पतसंस्था ही एका विशिष्ट जातीच्या नावाने स्थापन झालेली असली तरी देखील पतसंस्थेला लाभलेले सुरवाती पासूनचे सर्व संचालक ‘परम वैभवं नेतुम एतत स्वराष्ट्रम‘ हे ब्रीद डोळ्या समोर ठेवून काम करणारे असल्याने समाजाच्या सर्व स्तरातील लोकांनी संस्थेला आपल मानून संस्थेबरोबर व्यवहार सुरू केले आणि त्यामुळेच पतसंस्थेचा विस्तार आज संपूर्ण कोकण विभागात पसरलेला आहे. या 33 वर्षाच्या काळात पतसंस्थेने काल सुसंगत अनेक बदल आपल्या व्यवसायात व कार्य पद्धतीत केले.

हाच विचार लक्षात घेऊन आधुनिक काळाबरोबर जुळवून घेण्या करता म्हणून पतसंस्थेने वेबसाइट विकसित करण्याचा निर्णय घेतला. आपल्या ग्राहकांना अधिक चांगली आणि वेगवान सुविधा पुरवण्या करता पतसंस्थेच्या वेबसाइट चा उपयोग होऊ शकेल असे मला वाटते. वेबसाइटच्या माध्यमातून संस्थेच्या ग्राहकांना घरबसल्या पतसंस्थेशी संबधित अनेक बाबींची माहिती जसे की ठेवीचे, कर्जाचे व्याजदर, नवनवीन ठेव योजना इत्यादि माहिती मिळू शकेल व त्याचा निश्चितपणे पतसंस्थेच्या व्यवसाय वृद्धी करिता उपयोग होऊ शकेल.